एनभिडियाले एआईद्वारा प्रविधिसँग एकीकृत व्यक्तिगत कम्प्युटरहरूका लागि नयाँ चिप घोषणा गरेको छ, जसले उपभोक्ता बजारमा आफ्नो उपस्थितिलाई अझ विस्तार गर्ने लक्ष्य राखेको छ ।

एनभिडियाका प्रमुख कार्यकारी अधिकृत जेन्सेन हुवाङले आरटीएक्स स्पार्क नामक नयाँ चिप सार्वजनिक गर्दै भन्नुभयो, “कम्प्युटरको यो पुनःआविष्कार, फोन स्मार्टफोनमा रूपान्तरण भएजत्तिकै ठूलो परिवर्तन हो । हुआङले सोमबार कम्प्युटेक्स प्रविधि प्रदर्शनीको उद्घाटनअघि ताइपेईमा आयोजित कार्यक्रममा यो घोषणा गरेका हुन् ।

यसैबीच, आइतबार अमेरिकाले चिनियाँ कम्पनीहरूलाई एनभिडियाका सबैभन्दा उन्नत चिपहरू बेच्ने सम्बन्धी नियमहरू थप कडा बनाएको छ ।

आरटीएक्स स्पार्क के हो ? एनभिडियाका अनुसार आरटीएक्स स्पार्क अनुसार व्यक्तिगत एआई एजेन्टहरूको युगका लागि नयाँ सुपरचिप हो, जसले कम्प्युटरलाई केवल उपकरणबाट सहकर्मीमा रूपान्तरण गर्छ ।

लिनोभो, एचपी, डेल, माइक्रोसफ्ट सर्फेस, एएसयुएस, एमएसआईका पिसीहरुमा आरटिएक्स स्पार्क चिप समावेश गरिनेछ ।
यी कम्प्युटरहरू शरद ऋतुदेखि बजारमा आउने अपेक्षा गरिएको छ । त्यसपछि एसर र गिगाबाईटका मोडेलहरू पनि उपलब्ध हुनेछन् ।

एनभिडियाको यो कदमले पिसि उद्योगका स्थापित कम्पनीहरू जस्तै एप्पल र इन्टेललाई प्रत्यक्ष चुनौती दिने देखिएको छ ।
एक अनुसन्धान संस्थाका अनुसार, यस वर्षको पहिलो तीन महिनामा विश्व एआई बजारको लगभग ७५ प्रतिशत हिस्सा लिनोभो, एचपी, डेल र एप्पलले ओगटेका थिए ।

एआई सञ्चालन गर्ने डाटा सेन्टरहरूको तीव्र विस्तारका कारण चिप निर्माता कम्पनी एनभिडिया विश्वकै सबैभन्दा मूल्यवान कम्पनी बनेको छ । कम्पनीको शेयर बजार मूल्य ५ ट्रिलियन अमेरिकी डलर (करिब ३.७ ट्रिलियन पाउण्ड) भन्दा बढी पुगेको छ ।

यसैबीच, अमेरिकाले उन्नत एआई चिपहरूको निर्यात नियन्त्रणलाई थप कडा बनाएको छ । आइतबार अमेरिकी वाणिज्य विभागले नयाँ निर्देशन जारी गर्दै एनभिडियाको ब्ल्याकवेल जस्ता अत्याधुनिक एआई चिपहरू चीनबाहिर रहेका चिनियाँ कम्पनीका सहायक संस्थाहरूलाई निर्यात गर्न पनि विशेष अनुमति (लाइसेन्स) आवश्यक पर्ने स्पष्ट पारेको छ ।

यो कदम चीनले अत्याधुनिक एआई प्रविधि विकासका लागि आवश्यक उच्चस्तरीय कम्प्युटर चिपहरू प्राप्त गर्न सक्ने सम्भावित बाटो बन्द गर्ने उद्देश्यले चालिएको हो । अमेरिकाले पछिल्ला वर्षहरूमा चीनलाई उन्नत सेमिकन्डक्टर तथा एआई प्रविधिमा पहुँच सीमित गर्ने नीति अपनाउँदै आएको छ ।

विशेषज्ञहरूका अनुसार, एआई प्रतिस्पर्धा तीव्र बन्दै जाँदा अत्याधुनिक चिपहरूको आपूर्ति र नियन्त्रण अमेरिका–चीन प्रविधि प्रतिस्पर्धाको मुख्य केन्द्र बन्न पुगेको छ ।